ಪೊಗರು

ಮುಗಿಲ ನೋಡುತ 

ಬೆಳೆದ ಹೂವು,

ಮಣ್ಣಿನ ವಾಸನೆ ಮರೆತಿದೆ.

ನೀಲಾಕಾಶದ ಜೊಳ್ಳು 

ಆಮಿಷಕೆ,

ಗಿಡದ ಹಂಗು ತೊರೆದಿದೆ.

ರೆಂಬೆ ಕೊಂಬೆಗಳೇ

ಪಂಜರ ವಾಗಿವೆ ಇದಕೆ.

ಅದ್ಯಾವ ಅಮಲಿನಲಿ 

ತೇಲುತಿಹುದೋ,

ದಳಗಳೇ ರೆಕ್ಕೆಗಳೆಂದು 

ತಿಳಿದಿದೆ.

ಬಾನ ಏರಿಗೆ, 

ಏಣಿ ಹಾಕಲು 

ಇಷ್ಟ ಇಲ್ಲ ಯಾರಿಗೆ?

ರೆಕ್ಕೆ ಇದ್ದರೂ ಸುಮ್ಮನಿಲ್ಲವೆ,

ಅದರ ಮಿತಿ‌ ತಿಳಿದ

ಕೋಳಿಯೆ?

ತನ್ನ ವಾಸನೆಗೆ ತಾನೇ

ಮಾರುಹೋದ,

ಕುಂಟು ಸೊಕ್ಕು ನಮ್ಮ

ಹೂವಿಗೆ.

ಮೀಸೆ ಬಂದಾಗ, 

ದೇಶ ಕಾಣದು.

ಮೊಲೆಯೂ ಬಂದಿದೆಯೇ?

ಈ ಲೌಡಿಗೆ.